Хятад, АНУ-ын өндөр албан тушаалтнууд Цюрих хотноо "илэн далангүй, иж бүрэн" хэлэлцээ хийлээ

Хятад, Америк хоёр орны харилцааг эрүүл, тогтвортой хөгжлийн зөв замд эргүүлэн оруулахын төлөө хамтран ажиллахаар тохиролцлоо.

Хятадын ахлах дипломатч Ян Жечи, Америкийн үндэсний аюулгүй байдлын зөвлөх Жэйк Салливан нар Цюрихт болсон уулзалтын үеэр Өмнөд Хятадын тэнгис, Тайваний асуудал зэрэг хоёр талын тэргүүлэх ач холбогдол бүхий олон асуудлыг хөндсөн байна.

Хятадын ГХЯ-ны мэдэгдэлд, хоёр тал 9-р сарын 10-ны өдөр хоёр орны төрийн тэргүүн нарын уриалгын үзэл санааг хэрэгжүүлж, стратегийн харилцаа холбоогоо бэхжүүлж, санал зөрөлдөөнөө зохицуулах арга хэмжээ авахаар тохиролцсон гэжээ.