Manyan jami'an kasar Sin da na Amurka sun yi wata tattaunawa ta gaskiya da adalci a Zurich

Kasashen Sin da Amurka sun amince su yi aiki tare don mayar da dangantakarsu bisa turbar da ta dace ta samun ci gaba mai inganci da kwanciyar hankali.

A yayin ganawar da suka yi a birnin Zurich, babban jami'in diflomasiyyar kasar Sin Yang Jiechi da mai ba da shawara kan harkokin tsaron kasa na Amurka Jake Sullivan, sun tattauna batutuwan da suka shafi fifiko a tsakanin bangarorin biyu, ciki har da batun tekun kudancin kasar Sin da batun Taiwan.

Sanarwar da ma'aikatar harkokin wajen kasar Sin ta fitar ta ce, bangarorin biyu sun amince da daukar matakan aiwatar da manufar kiran da shugabannin kasashen biyu suka yi a ranar 10 ga watan Satumba, da karfafa cudanya bisa manyan tsare-tsare, da gudanar da bambance-bambance.